ZERBITZUAK
BERRIAK
KORRIKA
Iritsi da Korrika Alegiara ere!
Alegiako Herri Eskolak eta Aralar BHIk Korrika Txikia ospatu dugu gaur 12:30etan.
12:20an hasi dira txikienak Harro-Herri koreografia dantzatzen eta 12:40an abiatu da
Korrika Txikia, handienetik hasi eta txikienak arte, lekukoa maila guztietatik pasaz.
ARALAR BHIko 1Cko ikasleek pankarta ere egin dute Korrikaren alde,
Eta horrela motorrak berotu ditugu larunbat eguerdian (13:05 aldera, Kikara parean)
Korrikan parte hartzeko, Guraso elkarteekin batera, EUSKAL ESKOLA PUBLIKOAren
izenean!
BISITA
DBH 1eko ikasleek, Ikaztegietako edateko uren araztegira bisita gidatua egin dute. Bisita interesgarria izan da, ikasleek parte hartu dute eta ondo pasa dugu!.
M8 Emakumeen nazioarteko eguna
Aurreko ostiralean, martxoaren 8an Emakumeen Nazioarteko eguna ospatu genuen ikastetxean. Alegiako Herri Eskolako ikasleekin batera mosaiko erraldoia antolatu genuen eskolako patioan, M8 irudikatuz. Irudi ederra osatu genuen denen artean!
JASONE OSORO DBH 2ko IKASLEEKIN
Otsailaren 6an Jasone Osoro idazlea izan dugu ikastetxean DBH 2ko ikasleekin, izan ere Eskularru beltzak bildumako lehen alea irakurria dute aurten 2. mailan, eta liburu horretaz hitz egitera etorri da, hain zuzen, idazle elgoibartarra. Hasieran, Jasone Osoro irudimenaren garrantziaz mintzatu zaigu eta, ondoren, ikasleen galderak erantzun ditu, bai irakurri duten liburuari buruzkoak, eta bai idazle ofizioaren inguruan-eta egin dizkiotenak ere. Azkenik, liburuak sinatu eta argazkia atera du gure ikasleekin. Bejondeiola!
ADN Maketak 4 DBH
Biologia eta Geologiako 4.mailako ikasleek, ADN molekularen maketak egiten aritu dira egun hauetan. Langile eta gustora ibili dira proiektuan.
D´ELIKATUZ MUSEOA
ETA ORDIZIAKO AZOKA
Azteazkenean, otsailaren 7an, 3 DBH gelako ikasleak Ordiziara joan ginen. Bertan D´elikatuz museoan jardura didaktiko batzuk burutu genituen elikadura osasuntsu, azokaren funtzio sozial eta eta baserritarrek eskaintzen dizkiguten bertako eta garaiko elikagaien inguruan. Hiru ordu hauetan benetan lan bikaina egin zuten denek, parte hartzen, interesa adierazten…eta azokan erositakoa dastatzen!
KULTUR ETXEAN, panpinak egiten!
Ostegunean, Filosofia 2 gelako ikasleak helduekin elkartu ziren kultur etxean gabonetako panpinak egiteko. Orduerdi batean lan bikaina egin zuten denek eta egindako panpinak Alegiako komertzio txikietako eskaparateetan jarriko dira gabonetan.
1.DBH ko Ikasleek prestatu duten:
"ALEGIALDEKO GIDA"
Proiektu ikusgarria egin dute 1go DBHko ikasleek. Hainbat herritatik etorritakoak izanik, elkarren herriak eta eskualdea hobeto ezagutzeko ekimena izan da, ikasgai artekoa. Abenduko azken astean hainbat saiotan aritu dira lanean, herrika talde txikitan antolatuta, eta ohiko ikasgaien antolaketa hautsita.
Ikasgai eta irakasle askoren inplikazioa eskatu du proiektuak: Geografia eta Historia, Euskara, Gaztelania, Ingelesa, Natur Zientziak, Matematika, Plastika Teknologia eta Balio Etikoak. Eta emaitza gisa hiru produkzio garrantzitsu burutu dituzte: Ikastetxeko eskaileretan mural handi bat, abenduaren 22an herriko Kultur Etxean 1go malakoen artean lan guztien aurkezpena egitea eta WEB ORRI honetan ikus dezakezuen Site-a QRan.
Talde lanean deskribapen testuak eta itzulpenak eginez aritu dira, irudiak eta marrazkiak txertatuz, ibilbideak diseinatuz, eraikinen egiturak eta materialak identifikatuz… orohar, ikasturtean zehar ikasitako hainbat eduki eta jakintza aplikatuz.
Lan txukuna eta ikusgarria DBHko gure gaztetxoek eskaini digutena!!! Bejon deizuela!
